Qyzylordada memlekettik satyp alý basqarmasynyń basshysy para aldy dep aıyptalyp otyr

QYZYLORDA. QazAqparat - Qyzylorda oblysynda memlekettik satyp alý basqarmasynyń birqatar laýazymdy sheneýnikteri jemqorlyq kúdigine ilindi, dep habarlaıdy QazAqparat.

Sybaılas jemqorlyqqa qarsy is-qımyl agenttigi taratqan málimetke sensek, atalǵan vedomstvonyń Qyzylorda oblysy boıynsha departamenti oblystyq memlekettik satyp alý basqarmasynyń birqatar laýazymdy tulǵalaryna qatysty qylmystyq is qozǵaǵan.

Olar Qylmystyq kodekstiń 366-baby (para alý) boıynsha kúdikke ilingen.

Basqarma bastyǵy Ǵalym Qaıyrbekuly Edigeevtiń kabınetinde tintý júrgizilgen.

Sondaı-aq sybaılas jemqorlyqpen kúres departamentiniń qyzmetkerleri atalǵan basshynyń úıin de egjeı-tegjeıli tintigen.

Ǵalym Edigeev bul qyzmetke 2020 jyldyń 20 aqpanynda taǵaıyndalǵan bolatyn.