Qyzylordada memlekettik qyzmette 200 kópbalaly ana eńbek etip júr

QYZYLORDA. QazAqparat - Qyzylorda oblysynda memlekettik qyzmette 200 kópbalaly ana qyzmet atqarady, dep habarlaıdy QazAqparat tilshisi.

Óńirde memlekettik qyzmetshilerdiń 46 paıyzy - názik jandar. Olardyń qatarynda 14 «Altyn alqa» jáne «Kúmis alqa» ıegeri bar.

Qyzylordalyq 3 251 memlekettik qyzmetshiniń 1 494-i - áıel azamatshalar.

Olardyń 681-i jergilikti atqarýshy organdarda, 813-i ortalyq atqarýshy organdardyń qurylymdyq bólimshelerinde qyzmet etedi.

«Názik jandy áriptesterimizdiń qatarynda aımaqtyń damýyna eleýli eńbek ete júrip, ónegeli ana, aıaýly jar, úlgili basshy atanyp júrgeni bar. Olar memlekettik qyzmetpen qatar úı jumysy, bala tárbıesine kóńil bólip, el demografııasyna úles qosyp keledi», - dedi Qyzylorda oblysy boıynsha departamenti basshysynyń mindetin atqarýshy Berikbol Baıhojaev.

Aıta ketý kerek, Qyzylorda oblysynda memlekettik qyzmette 200 kópbalaly ana bar.

Sondaı-aq, basshy laýazymda 324 áıel eńbek etedi.