Qyzylordada memleketke 150 mln astam teńgege zalal keltirgender sottaldy

QYZYLORDA. QazAqparat - Qyzylorda oblysy boıynsha Ekonomıkalyq tergeý departamenti qarajatty qolma-qol aqshaǵa zańsyz aınaldyrý úshin jaramsyz mámileler jasasqan qylmystyń jolyn kesti, dep habarlaıdy QazAqparat tilshisi.

Qylmys «Stop-obnal» jedel-aldyn alý sharasy barysynda anyqtalǵan.

Adamdar toby qarajatty zańsyz qolma-qol aqshaǵa aınaldyrý maqsatynda basqa kásiporyndarmen jaramsyz mámileler jasasqan.

«Bul maqsatta aldyn ala ýaǵdalasyp, seriktestikterdiń biriniń atynan oblystyń 20-dan astam kompanııasyna salyq tóleýden jaltarý boıynsha «qyzmet» kórsetken. Jalǵan býhgalterlik qujattardy zańsyz jazyp bergen. Jasalǵan jumysy úshin árbir mámileniń jalpy somasynyń 4-6%-na deıin syıaqy alyp otyrǵan. Saldarynan memleketke 150 mıllıon teńgeden astam somaǵa zalal keltirilgen.

Qyzylorda qalalyq №2 sotynyń úkimimen seriktestik basshysymen birge 5 adam QR Qylmystyq kodeksi 216-baby 3-bóligimen bir jylǵa bas bostandyǵynan aıyryldy», - dep málim etti departamentten.

Eske salsaq, budan buryn Qyzylordada 16 adamdy san soqtyrǵan alaıaq ustalǵanyn jazǵan bolatynbyz.