Qyzylordada memleket qarjysyn jymqyrǵan dırektor men esepshi sottaldy
QYZYLORDA. QazAqparat - Qyzylorda oblysy Jańaqorǵan aýdandyq bilim bólimine qarasty «Balalarmen mádenı-tárbıe jumystaryn júrgizý ortalyǵynyń» dırektory men esepshisine qatysty sot úkimi shyqty, dep habarlaıdy QazAqparat.
Atalmysh qyzmetkerler memleket qarjysyn jymqyrǵany úshin sot aldynda jaýap berdi. Bilim qyzmetkerleriniń bul áreketi tıisti organdardyń tekserisinen keıin áshkere bolǵan.
Tergeý kezinde ortalyq basshysy men esepshisiniń óz qyzmetterin asyra paıdalanǵany dáleldendi. Olar ózderine senip tapsyrylǵan qarajatty talan-tarajǵa salǵan. Máselen, ortalyq dırektory «Shahmat» úıirmesine jetekshilik etse de, óz mindetin tıisinshe oryndamaǵan. ıAǵnı balalarmen jumys jasap, aptalyq saǵattaryn júrgizbegen. Soǵan qaramastan, qaramaǵyndaǵylarǵa tapsyrma berý arqyly jumys tabelin toltyryp, jalaqy alyp kelgen.
Tekserý kezinde zańsyz eńbekaqynyń jalpy somasy 208 myń teńgeni quraǵany anyqtaldy. Ortalyq dırektory munymen qoımaı, 2017 jyldyń aqpan, maýsym, qyrkúıek aılarynda eńbekaqy esebinen aldyn ala 362 myń teńge alǵan. 2018 jyldyń qyrkúıek aıynda da jumys atqarmaǵan ýaqyty úshin 90 myń teńgeni esepshotyna aýdartqan. Basshy bul áreketterin ortalyq esepshisi arqyly júzege asyryp otyrǵan.
Sotqa deıingi tergeý amaldary kezinde ortalyq dırektorynyń memleket qazynasyna barlyǵy 437 myń teńge zalal keltirgeni anyqtaldy.
Al, sot aldynda osy áreketi úshin jaýap bergen býhgalter dırektordyń esepshotyna artyq aýdarylǵan qarjynyń tek jartysyn jalaqysynan bólip ustaǵan bolyp shyqty. Qalǵan 228 myń teńgeni resmı túrde ustamaı, óz qajettilikterine jaratyp jibergen. Osylaısha, memleket qazynasyna qol salǵan bilim qyzmetkerleriniń zańsyz áreketi tolyqtaı dáleldendi.
«Sot protsesi kezinde sottalýshylar óz kinásin tolyq moıyndady. Jasaǵan áreketterine ókinetinderin bildirdi. Sondaı -aq, olar memleketke kelgen shyǵyndy tolyqtaı ótedi. Sot úkimimen, ortalyq dırektory memlekettik uıymdarda basshylyq qyzmetpen aınalysý quqyǵynan ómir boıyna aıyryla otyryp, 5 jylǵa bas bostandyǵyn shekteý jazasyna kesildi. Al ortalyq esepshisiniń endi ómir boıyna býhgalter bolyp jumys jasaýǵa quqyǵy joq. Sondaı -aq, onyń da bas bostandyǵy úsh jylǵa shekteldi», - dep málimdedi Qyzylorda oblystyq sotynyń baspasóz qyzmeti.
