Qyzylordada mektep oqýshysy shahmattan álem chempıony boldy
ASTANA. QazAqparat - Rýmynııanyń ıAssy qalasynda shahmattan álem chempıonaty aıaqtaldy. 15 jasqa deıingi jas sanatynda qazaqstandyq sportshy Ásel Serikbaı álem chempıony atandy, dep habarlady Qazaqstan shahmat federatsııasyna silteme jasap «QazAqparat» HAA.
Chempıonat medalin qyzylordalyq taǵy bir sportshy - Nazerke Nurǵalı aldy. Ol 40-tan astam jasóspirim qatysqan 13 jasqa deıingi shahmatshylar arasynda kúmis utty.
«Árıne, álem chempıonatynda sátti óner kórsetkenime qýanyshtymyn. Buryn 9 jasqa deıin álem chempıony bolǵanmyn. Sodan beri jeti jyl ótti. Nátıjeni taǵy qaıtaladym. Bul joǵary deńgeıdegi shahmatshylar jarysqa túsken eresek sanatqa jatady. Qyzylorda oblysy sport basqarmasynyń bastyǵy Sadyq Mustafaevqa jáne bapkerim Vasılıı Shımelkovke alǵys bildirgim keledi. Sondaı-aq alǵashqy bapkerim Rıza Tóltaıqyzy Qoshqarovaǵa jáne Qazaqstan shahmat federatsııasyna alǵysym sheksiz», - dedi taıaýda Tashkentte Azııa chempıony ataǵyn utqan Ásel Serikbaı.
Qyrkúıekte Ásel Ýrýgvaıda ótetin álem chempıonatyna qatysady. Ony tolyqtaı QShF qarjylandyrmaq.
