Qyzylordada mekemege 57 mln teńge kóleminde shyǵyn keltirgen urylar ustaldy
QYZYLORDA. QazAqparat - Qyzylorda oblysynda salynyp jatqan elektrostantsııasynan alıýmınııden jasalǵan qundy kabel urlaǵan úsh turǵyn qolǵa tústi, dep habarlaıdy QazAqparat tilshisi.
Jańaqorǵan aýdandyq polıtsııa bólimine aýdanǵa qarasty Shalqııa kentinde ornalasqan mekeme basshysynan aryz kelip tústi.
Onda ózderi salyp jatqan elektrostantsııasynan alıýmınııden jasalǵan qundy kabel urlanǵany aıtylǵan.
«Atalǵan derek boıynsha QR Qylmystyq kodeksiniń 188-babynyń 3-bóligi 1, 3-tarmaqtary boıynsha sotqa deıingi tergep-tekserý amaldary bastaldy. Urlyq saldarynan mekemege 57 mln teńgege jýyq shyǵyn keltirilgen. Jedel is-sharalar nátıjesinde aýdannyń 3 turǵyny qolǵa tústi. Olar 15 naýryz-12 sáýir aralyǵynda qymbat kabelder men metall ónimderin urlaǵan. Olardy Jańaqorǵan-Shalqııa tas jolyna deıin jaıaý tasyp, odan ári kent ortalyǵyna urlanǵan zattardy avtokólikpen jetkizip otyrǵan. Alıýmınıı kabeldin oblys aýmaǵyndaǵy metall qabyldaıtyn oryndarǵa ótkizgen. Oǵan qosa kórshi óńirlerge jiberip otyrǵan. Urlanǵan zattardyń bir bóligi aıǵaq zat retinde tárkilendi», - dep málim etti Qyzylorda oblystyq polıtsııa departamentinen.
Vedomstvonyń málimetinshe, kúdiktiler aýdandyq polıtsııa bóliminiń ýaqytsha ustaý abaqtysyna qamaqqa alyndy. Tergeý amaldary jalǵasýda.
Esterińizge sala ketelik, Qyzylordada 200 mln teńge salyqtan jaltarǵan kásipkerge úkim shyqty.
