Qyzylordada medıtsına mekemeleriniń tehnıkalyq bazasyn nyǵaıtylýda
Bıylǵy jyldyń sońyna deıin Jańaqorǵan aýdandyq emhanasy, Qazaly aýdandyq ortalyq aýrýhanasy, 11 medıtsınalyq beket paıdalanýǵa beriledi.
Munan ózge oblysta memlekettik-jekeshelik áriptestik aıasynda 400 kelýshige arnalǵan № 2 qalalyq emhana jeltoqsan aıynda ashylady jáne osy baǵytta 4 dárigerlik ambýlatorııa salý josparlanýda.
Al, ótken jyly oblystyń emdeý uıymdary jergilikti bıýdjetten 1,0 mlrd teńgege 183, lızıngpen 651 mln teńgege 28, 2017 jyly lızıng aıasynda 1,4 mlrd teńgege, oblystyq bıýdjet arqyly 1,7 mlrd teńgege 77 medıtsınalyq qural-jabdyqtar alynǵan bolatyn. Sonyń nátıjesinde, emdeý uıymdaryn qural-jabdyqtarmen qamtamasyz etýdiń kórsetkishi 45,19 paıyzdan 73,4 paıyzǵa joǵarlady.
Eske sala keteıik, Elbasy óziniń Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbeginiń birneshe qadamynda medıtsına salasynyń máselelerine qatysty naqty mindetter júktegen bolatyn. Ondaǵy 80-qadamda: Mindetti áleýmettik medıtsınalyq saqtandyrýdy engizý jaıy aıtyldy.. Memleket, jumys berýshi jáne azamattyń yntymaqtasqan jaýapkershiligi qaǵıdaty negizinde densaýlyq saqtaý júıesiniń qarjylyq ornyqtylyǵyn kúsheıtý. Bastapqy medıtsınalyq-sanıtarlyq kómekti (BMSK) basymdyqpen qarjylandyrýy tıis. Bastapqy kómek aýrýdyń aldyn alý jáne erte bastan kúresý úshin ulttyq densaýlyq saqtaýdyń ortalyq býynyna aınalady. Sondaı-aq osy qujattyń 81-82 qadamdarynda da medıtsına salasynyń aldaǵy mindetteri aıtyldy.
