Qyzylordada medıtsına qyzmetkerlerine tıisti ústemeaqy tólendi
QYZYLORDA. QazAqparat - Qyzylorda oblysynda koronavırýs jáne vırýstyq pnevmonııa boıynsha naýqastardy emdeýmen aınalysqan jergilikti medıtsına qyzmetkerlerine tıisti ústeme aqy tólendi, dep habarlaıdy QazAqparat tilshisi.
Qyzylorda oblysynda naýryz-qarasha aılarynda osy maqsatta tıisti jumystardy atqarý barysynda erekshe belsendilik kórsetken 15 082 qyzmetkerge 2 834 643,3 teńge tólendi.
Onyń ishinde qarasha aıynda aımaqtyń 825 medıtsına qyzmetkerine jalpy somasy 138 734,4 myń teńge ústeme aqy berildi. Óńirdiń medıtsınalyq qyzmetkerlerge ústemeaqylarǵa áleýmettik medıtsınalyq saqtandyrý qorynan 2 mlrd. teńgeden astam qarajat bólindi.
«Koronavırýstyq ınfektsııanyń taralý jaǵdaıynda jumys isteıtin qyzmetkerlerdiń sany eldegi epıdemıologııalyq jaǵdaıǵa baılanysty ózgerip otyrady. Sondyqtan aımaqtyq komıssııalar quratyn ústemaqy alýshylardyń tizimderi de túrlishe. Komıssııalardy ákim orynbasarlary basqarsa, quramynda medıtsınalyq saqtandyrý qory fılıalynyń qyzmetkerleri, oblystyń bas memlekettik sanıtarlyq dárigeri, densaýlyq saqtaý basqarmasy jáne úkimettik emes uıymdardyń ókilderi kiredi», dedi jergilikti medıtsınalyq saqtandyrý qory fılıalynyń ókilderi.
