Qyzylordada medıtsına qyzmetkerleri arasynda COVID-19 juqtyrý kórsetkishi azaıdy
QYZYLORDA. QazAqparat - Qyzylorda oblysynda medıtsına qyzmetkerleriniń COVID-19 juqtyrý kórsetkishi azaıdy, dep habarlaıdy QazAqparat tilshisi.
Oblysta 4 843 adam koronavırýs indetin juqtyrdy. Ótken táýlikte 45 derek tirkeldi. Infektsııalyq jáne provızorlyq statsıonarlarda 3200-ge deıin oryn daıyn. Al 518 oryn ortalyqtandyrylǵan ottegimen qamtylǵan. Keselmen kúresý úshin oblystaǵy medıtsınalyq uıymdar 686 ottegi kontsentratory, 251 ÓJJ, 8 kompıýter tomografııa jáne 66 rentgen apparatymen qamtylǵan.
«Búginde medıtsınalyq mekemeler men dárihanalar qorǵanysh kıimderimen qamtamasyz etildi. Dári-dármektiń 2 aıǵa jetetin qory jasaqtaldy. Jalpy, dárilik zattardyń turaqtandyrý qoryn qalyptastyrý maqsatynda jergilikti bıýdjetten 488 mln teńge qarjy bólindi. Naýqastardy belgilengen hattamaǵa sáıkes emdep jatyrmyz. Medıtsına qyzmetkerleriniń indetti juqtyrý kórsetkishi azaıdy. Qazir barynsha saqtyq sharasyna mán berip, em-dom júrgizilýde», - dedi oblystyq densaýlyq saqtaý basqarmasynyń basshysy Sábıt Pazylov.
Aqpan aıynan beri oblysta koronavırýsqa qarsy 20 644 adam ekpe saldyrdy.
Eske salsaq, Qyzylordada sáýir aıynyń nebári 18 kúninde 754 adam koronavırýs juqtyrdy.
