Qyzylordada metsenattardyń oblystyq forýmy ótti

Sharaǵa oblystaǵy qaıyrymdylyq jasaýshylar men metsenattar, oblystyq QHA qurylymdary, etnomádenı birlestikterdiń jetekshileri men belsendi músheleri, jas kásipkerler, basqarma qyzmetkerleri, qalalyq jáne aýdandyq kásipkerler jáne úkimettik emes uıymdar men BAQ ókilderi qatysty.
 

Forýmnyń maqsaty - Syr óńirindegi qaıyrymdylyq jasaýshy azamattar men metsenattar men kásipkerlerdi qoldaý, qaıyrymdylyqtyń jaǵymdy beınesin qalyptastyrý arqyly ony damytýǵa, qaıyrymdylyqpen aınalysatyn barlyq uıymdar men azamattardyń birlesýine járdemdesý bolyp tabylady.

«Nurly júrek» atty I oblystyq qaıyrymdylyq jasaýshylar men metsenattardyń forýmynyń alǵy sózin oblys ákiminiń orynbasary Rýslan Rústemov aldy. Ol jany jomart 12 azamatty marapattady.
 

«Búginde oblys kóleminde júregi jomart jandardyń qoldaýymen 732 qaıyrymdylyq sharalary uıymdastyrylyp, 227,2 mln. teńgeniń kómegi kórsetildi. Jeńis merekesine oraı 51 UOS-nyń ardageri men 5855 tyl eńbekkerine 408,4 mln. teńgege bıýdjetten bir jolǵy materıaldyq jáne áleýmettik kómek berildi. Oblystyq Qazaqstan halqy Assambleıasynyń bastamasymen qaıyrymdylyq jasaýshy kásipkerler men metsenattardyń derekter qory jasaqtaldy. Sonymen qatar, áleýmettik kómekti qajet etýshi turǵyndardyń da tizimi qalyptastyryldy. Qaıyrymdylyq kómegin qajet etetin árbir azamat nazardan tys qalmaıdy»,- dedi oblys ákiminiń orynbasary R.Rústemuly.
 

Atalmysh forým qoǵamda áleýmettik jaǵdaıy az qamtylǵan azamattarǵa qoldaý kórsetý, ortaq maqsatqa toptastyrýdy úndeıdi. Forým aıasynda qaıyrymdylyq sharalarymen aınalysyp júrgen «Nuraı» JShS dırektory, Seıitqalı Alshynbaev pen «El Araı» qoǵamdyq qorynyń dırektory Ashat Baıdaýletovke berildi. Sondaı-aq, jomart jandarǵa izgi lebizin bildirý úshin qaıyrymdylyqtyń qoldaýyn sezinip, páterli bolǵan Nazerke Kadırova sóz sóılep, rızashylyǵyn jetkizdi.

Óz kezeginde, kásipker metsenattardyń atynan Maııa Narımova úndeý oqydy. Forým sońy kontserttik baǵdarlamaǵa ulasty.