Qyzylordada mas kúıinde tanysyn óltirgen adam 9 jylǵa bas bostandyǵynan aıyryldy
QYZYLORDA. QazAqparat - Qyzylorda qalasyna qarasty Belkól kentinde mas kúıinde tanysynyń basyn taspen uryp óltirgen 35 jastaǵy turǵynǵa qatysty sot úkimi shyqty, dep habarlaıdy QazAqparat tilshisi.
Ol bıylǵy jyldyń 28 naýryzynda Qyzylorda qalasyna qarasty Belkól kentinde tanysyn kezdestirip, ekeýi temir jol stantsııasynyń aýmaǵynda spırt ishimdigin ishken.
«Ábden masaıǵan ol tanysynmen kerisip qalady. Sol mańda jatqan qatty jumyr taspen jábirlenýshiniń basynan birneshe márte urǵan. Munyń sońy adam ólimine alyp keldi. Ol oqıǵa oryn alǵan jerden boı tasalap ketken.
Atalmysh qylmystyq is boıynsha kúdikti QR Qylmystyq kodeksiniń 106-babynyń 3 bóligimen kináli dep tanylyp, 9 jylǵa bas bostandyǵynan aıyryldy», - dep málim etti Qyzylorda qalasy prokýratýrasynyń bólim prokýrory Dáýirbek Uzaqbaev.
Buǵan deıin Qyzylordada adam qaǵyp óltirgen kólik júrgizýshisiniń sottalǵan bolatyn.
