Qyzylordada mas kúıinde kólik aıdaǵan 57 jastaǵy azamat polıtsııadan qashyp ketpek boldy
Polıtsııa qyzmetkerleri «Lada» markaly avtokóligi jol erejesin buzyp kele jatqanyn baıqaıdy. Nátıjesinde ol avtokólik aǵyny qozǵalysyna kedergi keltirgen. Polıtsııa ony tártipke shaqyrmaq bolady. Sol sátte ol kóligimen qashyp ketýge áreket jasaıdy. Kólik júrgizýshisi kópke uzaı alǵan joq. Ortalyq kóshelerdiń birinde qolǵa tústi.
«Júrgizýshi oblys ortalyǵynyń 57 jastaǵy turǵyny bolyp shyqty. Polıtsııa qyzmetkerleri alkogoldi anyqtaý úshin kýálandyrýdy júrgizý maqsatynda narkologııalyq ortalyqqa jetkizdi. Júrgizilgen saraptama qorytyndysy boıynsha azamat jeńil dárejede mas bolǵan. Tekserý barysynda atalǵan azamat sottyń sheshimimen kólik quralyn júrgizý quqyǵynan 3 jylǵa aıyrylǵany anyqtaldy. Soǵan qaramastan avtokólikti alkogoldik masań kúıde qaıta basqarǵan.
«Qazirgi ýaqytta tártip buzýshy Qyzylorda qalalyq Polıtsııa basqarmasynyń ýaqytsha ustaý ızolıatoryna qamaldy. Oǵan qatysty QR Qylmystyq kodeksiniń 346-babynyń 1-bóligimen sotqa deıingi tergep-tekserý bastaldy. Onda kólik quralyn basqarý quqyǵynan aıyrylǵan, alkogoldik masań kúıdegi adamnyń kólik quralyn basqarýy jaǵdaıy tirkelgen. Kinálige júrgizýshige qatysty avtokólik júrgizý quqyǵynan ómir boıy aıyryla otyryp, 5000 AEK-ge deıin aıyppul (13. 255 000 teńge deıin) salýǵa nemese 5 jylǵa deıin merzimge bas bostandyǵynan aıyrý jazasy kózdelgen», dep málim etti Qyzylorda oblystyq polıtsııa departamentiniń baspasóz qyzmeti.
Budan buryn Qyzylordada qaraqshylyq shabýyl úshin izdeýde júrgen kúdikti ustaldy.