Qyzylordada mas kúıinde qarýdy zańsyz alyp júrgen turǵyn qolǵa tústi
Qyzylorda qalasy Polıtsııa basqarmasynyń kezekshi bólimine qala kósheleriniń birinde ishimdik iship alǵan er aadam júrgendigi týraly habarlama tústi. Sol boıynsha patrýldik polıtsııa batalonynyń qyzmetkerleri oqıǵa ornyna dereý jetti.
Polıtseıler onda mas kúıde sholaq myltyq ustap júrgen er adamdy ustady. Qarý tárkilenip, saraptamaǵa jiberildi.
«Qarý 16-kalıbrli tegis qos uńǵyly, ańshy myltyǵy ekendigi anyqtaldy. Bul azamat zaýyttyq tásilmen daıyndalǵan ańshy myltyǵyn kesip, qoldan sholaq myltyq jasaǵan. Atalǵan derek boıynsha QR Qylmystyq kodeksiniń 287-babynyń 3-bóligimen sotqa deıingi tergep-tekserý amaldary júrgizilýde. Onda atys qarýyn (tegis uńǵyly ańshylyq qarýynan basqa), oq-dárilerdi, jarylǵysh zattardy nemese jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý jaǵdaıy kórsetilgen. Polıtseıler ustalǵan turǵynnyń qarýdy qaıdan alǵandyǵyn tekserýde», - dep málim etti Qyzylorda oblystyq polıtsııa departamentiniń baspasóz qyzmetinen.
Eske salsaq, budan buryn Qyzylordada qoldan jasalǵan qurt ishinen esirtki tabyldy.