Qyzylordada mas áıel jasóspirimge kúsh qoldanbaq boldy

QYZYLORDA. QazAqparat - Qyzylorda qalasyndaǵy kóp qabatty úılerdiń birinde jasóspirimniń sómkesin tartyp almaq bolǵan áıel qolǵa tústi, dep habarlaıdy QazAqparat tilshisi.

Bul oqıǵa 16 mamyrda keshkilik saǵat 20:40-tar shamasynda boldy. Atalmysh oqıǵa beınekameraǵa túsip qalǵan. Onda áıel podezge kirgen jasóspirimniń sómkesin tartyp alýǵa áreket jasaıdy. Degenmen ol tártip saqshylarynyń qolyna tústi.

«Atalmysh derek boıynsha QR Qylmystyq kodeksiniń 24-babynyń 3 bóligi jáne 191 babynyń 1-bóligimen qylmystyq is qozǵaldy. Qazir sotqa deıingi tergeý amaldary júrgizilýde», - dep málim etti Qyzylorda oblystyq polıtsııa departamentiniń baspasóz qyzmeti.