Qyzylordada mánerlep syrǵanaýdan Qazaqstan chempıonaty ótip jatyr
QYZYLORDA. QazAqparat - Búgin qyzylordadaǵy «Muz aıdyny» sport kesheninde mánerlep syrǵanaýdan Qazaqstan chempıonaty bastaldy, dep habarlady QazAqparat HAA tilshisi.
Bıyl oblysta úshinshi márte uıymdastyrylǵan jarysqa Astana, Almaty qalalary men Almaty, Aqtóbe, Atyraý, Mańǵystaý, Qaraǵandy, Ońtústik Qazaqstan, Qyzylorda oblystarynyń sportshylary qysqa jáne erkin baǵdarlamalarda jikteý razrıadtaryna sáıkes elementterdi oryndaý boıynsha óner kórsetýde.
Oblysta alǵashqy márte «Kóktem juldyzdary» respýblıkalyq týrnıri el chempıonatymen qatar ótýde. Jarystarǵa bes jastan on jas aralyǵyndaǵy 100-den asa mánerlep syrǵanaýshylar qatysýda.
Jarys erejesine sáıkes búgin sportshylar jikteý elementi jáne qysqa baǵdarlama boıynsha óner kórsetýde. Erteń erkin baǵdarlama boıynsha saıystar bastalady.
Chempıonat pen týrnırdiń jeńimpazdary 21 sáýirde belgili bolady.
