Qyzylordada mamandar qubyr arasyna qysylyp qalǵan balany qutqardy
QYZYLORDA. QazAqparat - Ońtústik óńirlik aeroutqyr jedel qutqarý jasaǵy mamandary Qyzylorda qalasynyń Aqmeshit móltek aýdanyndaǵy jylý qubyry arasynda qysylyp qalǵan 10 jastaǵy balany qutqaryp qaldy, dep habarlaıdy QazAqparat tilshisi.
Oqıǵa 30 qyrkúıek kúni bolǵan. Tústen keıingi ýaqytta sol mańda dostarymen oınap júrgen jasóspirim súrinip qulap, jylý magıstrali qubyrynyń ortasyna qysylyp qalǵan.
«Dostarynyń aıtýy boıynsha, ol kezdeısoq súrinip, eki qubyrdyń arasyna qulap túsken. Dostary óz kúshterimen ony shyǵara almaǵan. Ońtústik óńirlik aeroutqyr jedel qutqarý jasaǵynyń qutqarýshylary oqıǵa ornyna jedel jetti. Jaǵdaıdy anyqtap arnaıy gıdravlıkalyq avarııalyq-qutqarý quralyn paıdalandy. Osynyń nátıjesinde olar eki jylý qubyrdyń arasyn keńeıtip balany shyǵaryp aldy», - deıdi oblystyq tótenshe jaǵdaılar departamentiniń baspasóz qyzmetiniń basshysy Aıgúl Nurmanova. Qýanyshtysy, bala jaraqat alǵan joq. Oǵan medıtsınalyq kómek qajet bolmady. Qutqarýshylar oqýshy balany anasyna tapsyrdy
