Qyzylordada mal urlyǵyn kásip etkender qolǵa tústi

QYZYLORDA. QazAqparat - Qyzylorda qalasynda mal urlady dep kúdikke ilingen úsh turǵyn qolǵa tústi. Olar qala tóńireginde mal urlyǵyn kásipke aınaldyrǵan, dep habarlaıdy QazAqparat tilshisi.

Qyzylorda qalasyna qarasty Tasbóget polıtsııa bólimi qyzmetkerleri jedel izdestirý sharalaryn júrgizgen bolatyn. Nátıjesinde ózderiniń zańsyz áreketimen 6 turǵynǵa zııan keltirgen 3 kúdikti qolǵa tústi. Olardyń turǵyndarǵa keltirgen zalaly 3 mln 560 myń teńgeni quraıdy.

«Barlyq derekter boıynsha Qyzylorda qalalyq polıtsııa basqarmasymen QR Qylmystyq Kodeksiniń 188-babynyń 3-bóliginiń 1-tarmaǵymen sotqa deıingi tergep-tekserý áreketteri júrgizilýde. Ustalǵan kúdiktiler ýaqytsha ustaý abaqtysyna oqshaýlandyrylyp, olarǵa qatysty sottyń sanktsııasymen «qamaqqa alý» túrindegi bultartpaý sharasy qoldanyldy. Sonymen qatar, tergeý organy olardyń oblys aýmaǵynda oryn alǵan osyndaı tektes qylmystarǵa qatystylyǵyn tekserýde», - dep málim etti Qyzylorda oblysynyń polıtsııa departamentinen.