Qyzylordada mal urlyǵyn kásip etken 2 azamat quryqtaldy
QYZYLORDA. QazAqparat - Qyzylordada ońaı jolmen paıda tabý maqsatynda mal urlyǵyn kásip etken 25 jas shamasyndaǵy 2 azamat ustaldy, dep habarlady QazAqparat tilshisi oblystyq ІІD silteme jasap.
Oqıǵa 2017 jyldyń sáýir aıynyń 27-i kúni bolǵan. Qyqylorda turǵyndarynyń biri óziniń tanysymen kezdesip, ońaı jolmen paıda tabý maqsatynda urlyq jasaý týraly aldyn ala sóz baılasyp, jospar qurady.
Ekeýi qylmysyn júzege asyrý maqsatynda túski ýaqytta kezdesip, Syrdarııa jaǵalaýy boıynda qaraýsyz jaıylyp júrgen sıyrlardy kórip, aınalasynda bógde adamdardyń joqtyǵyna tolyqtaı kóz jetkizip, 5-ýin aıdap alyp ketken. Nátıjesinde olar qala turǵynyna 400 myńǵa jýyq shyǵyn keltirdi.
Ońaı oljaǵa mastanǵan olar 8 shilde kúni sol aýmaqtan taǵy da 5 iri qara malyn qoldy etedi.
Alaıda polıtsııa qyzmetkerleri júrgizilgen jedel-izdestirý sharalarynyń barysynda úrylardyń qylmystary áshkere bolyp, olar ishki ister basqarmasyna jetkizildi.
Qazirgi tańda atalǵan derek boıynsha Qazaqstan Respýblıkasy Qylmystyq kodeksiniń 188-baby 2-bóliginiń 1, 2-tarmaǵy negizinde qylmystyq is qozǵalyp, sotqa deıingi tergep-tekserý amaldary júrgizilýde.
Kúdiktilerdiń basqa da qylmystarǵa qatystylyǵyn anyqtaý baǵytynda sharalar qabyldanýda.
