Qyzylordada mal urlyǵymen aınalysqan qylmystyq top ustaldy
QYZYLORDA. QazAqparat - Qyzylorda oblysynda mal urlyǵymen aınalysqan qylmystyq top ustaldy, dep habarlaıdy QazAqparat tilshisi.
Qylmystyq top alty adamnan quralǵan. Olar 2017-2018 jyldary jáne bıylǵy jyldyń shilde-tamyz aılarynda maldardy qoldy etken. Nátıjesinde jergilikti turǵyndardyń 28 bas jylqysy men 11 múıizdi iri qarasyn urlap, olardy satyp jibergen.
«Mal ıeleri aýdandyq polıtsııa bólimine aryzdandy. Polıtsııa qyzmetkerleri qylmysty ashý baǵytynda jedel jumystar júrgizdi. Sol is-shara barysynda kúdiktiler qolǵa tústi. Qazir polıtseıler olardyń ózge de qylmystarǵa qatystylyǵyn tekserýde.
Bul boıynsha QR Qylmystyq kodeksiniń 188-baby 3-bóliginiń 1-tarmaǵymen jáne 188-1 baby 3-bóliginiń 1-tarmaǵymen sotqa deıingi tergep-tekserý amaldary júrgizilýde. Eki kúdiktige qatysty aýdandyq sotpen 2 aıǵa «kúzetpen ustaý» bultartpaý sharasy qoldanyldy. Qalǵanyna bultartpaý sharasyn qoldaný máselesi qaralýda», - dep málim etti Qyzylorda oblystyq polıtsııa departamentiniń baspaóz qyzmeti.
Vedomstvo ókilderi turǵyndar maldardy baqylaýsyz qaldyratynyn aıtady. Sondaı-aq, polıtsııaǵa kesh aryzdanady.
