Qyzylordada mal izdeýge shyqqan turǵyn adasyp ketti

QYZYLORDA. QazAqparat - Qyzylorda oblysynda mal izdeýge shyqqan turǵyn qatty jel turyp, kúnniń kúrt sýytýy saldarynan adasyp ketken, dep habarlaıdy QazAqparat tilshisi.

Jalaǵash aýdanyna qarasty Alamesek aýylynda turatyn 46 jastaǵy azamat 3 qarasha kúni saǵat 15.00-de mal izdeýge shyqqan. Sol ketkennen habarsyz qalǵan azamatty qutqarýshylar jáne jergilikti turǵyndar kúshimen izdeý sharalary júrgizildi. Joǵalǵan azamat bir kúnnen keıin toǵaı ishinen aman-esen tabyldy.

«Búgingi kúnderi Qyzylorda oblysynda aýa-raıynyń sýytý jaǵdaıy baıqalyp otyr. Sondyqtan jergilikti turǵyndardyń barlyq saqtyq sharalaryna nazar aýdarýyn suraımyz», - dedi oblystyq jumyldyrý daıyndyǵy basqarmasy basshysynyń orynbasary Ǵabıt Jańabaev.

Budan buryn qyzylordalyq polıtseıler qaıyqta eskeksiz qalǵan balyqshyny qutqardy .