Qyzylordada mal izdeýge shyqqan qarııanyń denesi aryqtan tabyldy

QYZYLORDA. QazAqparat – Qyzylorda oblysynda mal izdeýge shyqqan 72 jastaǵy azamattyń denesi eki kúnnen keıin aýyl mańyndaǵy kanaldan tabyldy, dep habarlaıdy QazAqparat tilshisi.

1950 jylǵy azamat Jalaǵash aýdany Mádenıet aýyly mańyndaǵy fazenda aýmaǵynan 9 tamyzda mal izdeýge shyqqan. Sodan iz-túzsiz ketken.

«Osyǵan baılanysty Jalaǵash aýdany Mádenıet aýylynan 4 shaqyrym jerde izdeý jumystary bastaldy. Oǵan oblystyq tótenshe jaǵdaılar departamentiniń jedel qutqarý jasaǵy, tótenshe jaǵdaılar departamenti mamandary qatysty. Sondaı-aq, izdestirý sharasyna aýdandyq polıtsııa bólimi qyzmetkerleri, týystary, jergilikti turǵyndar atsalysty. 11 tamyzda saǵat 10:05-te aýyl aýmaǵyndaǵy «Mádenıet» sýarý kanalynda tómen aǵysqa qaraı atalǵan azamattyń máıiti tabylyp, sýdan shyǵaryldy», - dep málim etti Qyzylorda oblystyq tótenshe jaǵdaılar departamentinen.

Vedomstvo mamandary turǵyndardan sý aıdyndary mańynda saqtyq erejesin saqtaýdy suraıdy.

Eske salsaq, budan buryn Qyzylordada jol boıynda kólik órtenip, gaz ballony jarylǵanyn jazǵanbyz.