Qyzylordada mal bordaqylaý beketi men qasaphana jumysyn bastady
QYZYLORDA. QazAqparat - Táýelsizdik kúni qarsańynda Qyzylordada «Týǵan jerge taǵzym» forýmy ótti. Sharaǵa elimizdiń túkpir-túkpirinen ártúrli salada tabysty eńbek etip júrgen qyzylordalyqtar arnaıy kelip qatysty. Aımaqtyń damýyna qosqan úlesteri úshin Syr eliniń birqatar týmalaryna «Syr janashyry» marapaty tabystaldy.
Forým aıasynda telekópir arqyly oblystaǵy birqatar jańa kásiporyndar iske qosyldy. Solardyń biri, Qyzylorda qalasyndaǵy 1000 bas iri qara malǵa arnalǵan «Salamat - Agro» JShS-niń mal bordaqylaý jáne soıý beketi, dep habarlady QazAqparat tilshisi.
Qazirde bordaqylaý alańynda qazaqtyń aqbas sıyry, gereford, golshtın tuqymdy sıyrlary bordaqylanýda.
Bordaqylaý alańyna alǵashqyda 6-8 aılyq 500 iri qara mal kelip túsedi. Bordaqylaý merzimi 100 kúnge deıin sozylady. Mal soıý keshenindegi 1 bas maldyń tirideı salmaǵy 400-420 kg bolady.
Óndiris tehnologııasy «bos-tolyq» júıesi negizinde iri qara maldy baılamaı ustaýdy qarastyrady. Alańǵa kelip túsken mal 7 kún karantınde bolyp, 6-7 aılyq buqashyqtar táýligine keminde 0,75-0,8 kg salmaq qosyp, 10-12 aıǵa deıin ósiriledi. 10-12 aılyq jas mal 16-18 aıǵa deıin táýligine 1 kg jýyq ıntensıvti bordaqylaýǵa kóshedi.
Aıta ketsek, mal soıý beketi HALAL sertıfıkatyn alǵan.
