Qyzylordada mal baǵýǵa shyqqan adam birneshe kúnnen keıin tabyldy

QYZYLORDA. QazAqparat - Qyzylordada jedel qutqarý jasaǵynyń mamandary mal baǵýǵa shyǵyp, birneshe kún boıy habarsyz ketken adamdy izdep tapty, dep habarlaıdy QazAqparat tilshisi.

Qyzylorda qalasy tótenshe jaǵdaılar departamentine mal baǵýǵa shyǵyp, qaıta oralmaǵan azamat jóninde habar kelip tústi.

«Osyǵan baılanysty jedel-qutqarý jasaǵynyń qutqarýshylary izdeýge shyqty. Oǵan eki izdestirý ıti paıdalanyldy. Mamandar «ÝAZ-3909» avtokóligimen Qyzylshyń aýmaǵynda izdestirý sharalaryn júrgizdi. Nátıjesinde qutqarýshylar «QýatAmlonMunaı» AQ kenishine qaraı 20 shaqyrym jerden 1967 jylǵy malshyny aman-esen tapty.

Ony qojalyq ıesi men polıtsııa qyzmetkerlerine tapsyrdy. Іzdestirý jumystaryna polıtsııa qyzmetkerleri men qojalyq ıesi birge atsalysty», - dep málim etti Qyzylorda oblystyq tótenshe jaǵdaılar departamentinen.

Eske salsaq, budan buryn Qyzylordada joǵalǵan 17 jastaǵy qyz Almatydan tabyldy .