Qyzylordada Mádenıet jáne aqparat mınıstriniń qatysýymen elektrondyq qujattar saqtaýdyń ózekti máseleleri talqylanýda
ASTANA. 28 qyrkúıek. QazAqparat - Qyzylordada «Aqparattyq Qazaqstan 2020»: Elektrondyq qujattardy jasaýdyń jáne saqtaýdyń ózekti máseleleri» atty memlekettik muraǵattyq mekemeleri basshylarynyń respýblıkalyq keńesi ótýde.
Oǵan QR Mádenıet jáne aqparat mınıstri D. Myńbaı, Qyzylorda oblysynyń ákimi B. Qýandyqov, respýblıkalyq muraǵat mekemeleriniń basshylary, muraǵatshylar qatysty.
Keńes aıasynda «Qyzylorda oblysynyń tarıhy Ulttyq muraǵat qorynda» atty kórme uıymdastyrylady. Kórme ekspozıtsııasyna muraǵat qorynda saqtaýda turǵan 1734-2005 jyldar aralyǵyndaǵy 60-qa jýyq qujattar men sýretter, sonymen birge, 1977- 2012 jyldar aralyǵyndaǵy Qyzylorda oblysynyń tarıhy men jetistikterin qamtıtyn 96 sýret qoıylǵan.
Jalpy jınalystyń aıaqtalýynan keıin, Stýdentter saraıynda muraǵat salasyn damytýda áriptestik qarym-qatynas ornatyp, Ulttyq muraǵat qorynyń tolyqtyrylýyn, qujattardyń sapaly ári qaz-qalpynda saqtalýyn qamtamasyz etý maqsatynda birqatar sharalar belgilengen. Atap aııtqanda, osy baǵytta Qyzylorda oblysynyń muraǵattar men qujattama basqarmasynyń bastyǵy Ǵ. Jarqynbaev Qorqyt Ata atyndaǵy Qyzylorda memlekettik ýnıversıtetiniń rektory A. Bısenovpen, «SNPS Aıdan munaı» AQ prezıdenti Lıý Tszınchenmen, «Qazposhta» AQ fılıal dırektory Á. Ábdimomynovpen, Oblystyq medıtsına ortalyǵynyń dırektory N. Tabynbaevpen jáne «Qazaqstan Halyq Banki» AQ dırektory E.B. Nurtazaevpen jáne taǵy birqatar uıymdardyń basshylarymen yntymaqtastyq Memorandýmyna qol qoıady.
Sondaı-aq, Ortalyq memlekettik muraǵatta saqtalǵan Frantsııadaǵy Mustafa Shoqaıdyń jeke muraǵattyq qujattarynyń tsıfrlyq formattaǵy nusqasy Qyzylorda oblysynyń Muraǵattar men qujattama basqarmasyna tabys etiledi. Іs-shara barysynda Sotsıalıstik Eńbek Eri Isataı Ábdikárimovtiń qujattary men Olımpıadanyń eki dúrkin chempıony Ilıa Ilınniń jeke tektik qoryna qujattary saltanatty túrde qabyldanady.
