Qyzylordada mádenıet úıi paıdalanýǵa berildi
Jańa ǵımarat zamanaýı talaptarǵa saı boı kótergen. Onda 150 oryndyq kórermen zaly, kitaphana, úıirme, horeografııa zaldary, ardargerler bólmesi, taǵy basqa aýyl turǵyndarynyń mádenı demalysyna qajetti múmkindikter qarastyrylǵan. Nysan qurylysyna 272 mln teńge jaratyldy. Bul ǵımarat memlekettik-jekeshelik áriptestik aıasynda salynǵan. Qurylystyń salynýyna belgili kásipker, qalalyq máslıhat depýtaty Qaırat Orynbasaruly qarjylaı qoldaý kórsetti.
Aıta keterligi, buryn atalmysh aýylda mádenıet úıi múldem bolǵan joq. Turǵyndardyń ótinishi osylaısha qanaǵattandyryldy.
Aldaǵy ýaqytta mádenıet úıinde án-bı, «Syr Orda» ansambli, kórkemsóz mánerlep oqý, «Sáýlem-aı» ájeler ansambli, «Dombyra» sekildi 6 úıirme jumys jasap, 13 adam turaqty eńbekpen qamtylady.
Sondaı-aq, aýyldyq okýrgke qaraıtyn Taldyaral eldi mekenindegi uzyndyǵy 3,4 shaqyrym bolatyn kireberis joldyń máselesi oń sheshimin tapty.