Qyzylordada laýazymdy sheneýnik kásipkerden para aldy dep aıyptalýda

QYZYLORDA. QazAqparat - Qyzylorda oblysynyń kásipkerlik jáne týrızm basqarmasy basshysynyń orynbasary sybaılas jemqorlyq jasady dep kúdikpen aıyptalýda, dep habarlaıdy QazAqparat Sybaılas jemqorlyqqa qarsy qyzmetke silteme jasap.

Qyzylorda oblysy boıynsha Sybaılas jemqorlyqqa qarsy qyzmeti Qyzylorda oblysynyń kásipkerlik jáne týrızm basqarmasy basshysynyń orynbasaryna qatysty sybaılas jemqorlyq jasady degen kúdikpen sotqa deıingi tergeýdi bastady.

«Ol jalpy qamqorlyǵy men oryndalǵan jumys aktisine kedergisiz qol qoıǵany úshin jeke kásipkerden kartalyq shoty arqyly edáýir mólsherde para aldy degen kúdikke ilindi» delingen habarlamada.

Sotqa deıingi tergeý jalǵasýda. Kúdiktige qatysty túpkilikti sheshimdi sot shyǵarady.