Qyzylordada qyzylsha aýrýyna shaldyqqandar kóbeıe bastady
QYZYLORDA. QazAqparat - Qyzylorda oblysynda búgingi kúnge deıin 31 adam qyzylsha aýrýyna shadyqty degen kúdik týyp, onyń 11-i naqtylandy, dep habarlaıdy QazAqparat tilshisi.
Aýrýǵa shaldyqqandardyń basym bóligi (77,4 paıyzyn) - bir jasqa deıingi jáne bir jastan asqan balalar. ıAǵnı 24 bóbek osy dertpen naýqastanǵan. Sondaı-aq, 2 jastaǵy eki bala jáne 6, 10, 25, 33 jastaǵy adamdar naýqastanǵan.
«Aýrýdyń aldyn alýǵa ımmýndaý sharalary óz septigin tıgizedi. Adam ómirinde 2 ret ekpe ala alady. 1 jáne 6 jasta. Ekpe alǵan adam aýyrmaýy tıis. Osy ýaqytqa deıin bizdiń aımaqta 87 adam egý jumystarynan bas tartqan. Solarǵa túsindirý jumystary júrgizilýde», - dedi Qyzylorda oblystyq qoǵamdyq densaýlyq saqtaý departamentiniń basshysy Ulbosyn Ahanaeva.
Aıta ketý kerek, qyzylsha aýrýyna shaldyqqan naýqastardyń 84 paıyzy osy aýrýǵa qarsy egilmegender bolyp tabylady. Sondaı-aq, Qyzylorda oblysynda anyqtalǵan qyzylsha aýrýynyń alǵashqy 4 jaǵdaıynda naýqastar óz aýrýyn Astana, Almaty jáne Atyraý qalalarynda naýqaspen qarym-qatynasta bolýymen baılanystyrǵan. Qalǵan jaǵdaılar aýa arqyly, qarym qatynas arqyly taralǵan.
