Qyzylordada qyzylsha aýrýy deregi tirkeldi
QYZYLORDA. QazAqparat - Qyzylorda oblysynda qyzylsha aýrýynyń belgileri baıqaldy. Jyl basynan beri eki adam atalmysh aýrýǵa shaldyqqan, dep habarlaıdy QazAqparat tilshisi.
Onyń biri eresek adam bolsa, ekinshisi bir jasqa deıingi bala. Olar Qyzylorda qalasy men Jańaqorǵan aýdanynda turady. Júrgizilgen epıdemıologııalyq zertteý barysynda eki jaǵdaıda da olardyń Astana qalasynda bolǵany anyqtaldy. Olar onda qyzylshamen syrqattanǵan naýqastarmen jaqyn qarym-qatynasta bolǵan.
Jergilikti mamandar osyǵan baılanysty aýrý oshaǵynda indetke qarsy aldyn alý is-sharalaryn uıymdastyrdy. Búginge deıin eki naýqaspen 48 adam baılanysty bolǵan.
«Oblys kóleminde qyzylshaǵa qarsy ımmýndaý sharalarynyń oryndalýy optımaldyq deńgeı aıasynda júrgizildi. Naqty aıtqanda, 2018 jyl qortyndysymen qyzylsha, epıdparotıt, aýrýlaryna qarsy alǵashqy egýmen jalpy 17105 bala qamtylǵan. Onyń 16931-i jasyna sáıkes qamtylǵandar bolyp tabylady. Maqsatty toptaǵy balaǵa shaqqanda egýmen qamtý kórsetkishi 98,5 paıyzdy qurady», - dedi Qyzylorda oblystyq qoǵamdyq densaýlyq saqtaý departamenti basshysynyń orynbasary Álııa Ábdiqaıymova.
Aıta ketý kerek, ótken jyldary qyzylsha aýrýyn juqtyrǵan naýqastar sany tirkelgen joq. 2016 jyly ǵana 1 jaǵdaı tirkelgen.
Budan buryn Qyzylordada mektep ashanalaryndaǵy mázir talapqa saı emestigi habarlandy.
