Qyzylordada qyzmettik kólikter jedel járdem qyzmetin atqarady
Qyzylorda oblysynda koronavırýspen kúreste birqatar shekteý jáne aldyn alý jumystary júrgizildi. Búginde qala ákimdigi tarapynan karantındik rejım kezinde menshik nysanyna qaramastan barlyq sýbektilerdiń sanıtarııalyq-dezınfektsııalyq rejım talaptary baqylanyp otyr. Osy maqsatta 14 monıtorıngtik top quryldy.
«Onyń quramynda: qalalyq prokýratýra, qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasy, qala ákimdigi, qalalyq polıtsııa basqarmasy jergilikti polıtsııa qyzmetiniń mamandary bar.
Mamandar búginge deıin qala aýmaǵynda ornalasqan 5000-nan astam nysandy aralap, tıisti túsindirme sharalaryn turaqty júrgizip keledi. Qala aýmaǵynda koronavırýs jáne pnevmanııaǵa baılanysty turǵyndar tarapynan shaqyrtý kúrt kóbeıgen. Osyǵan baılanysty qala basshylyǵy oblys ortalyǵyndaǵy emdeý oryndaryna qosymsha kómek retinde ákimdikke qarasty mekemelerden barlyǵy 23 qyzmettik kólikti jedel járdem qyzmetine paıdalanýǵa berdi. Búgingi tańda atalǵan qyzmettik kólikter arqyly turǵyndardan túsken 1 myń 341 shaqyrtý oryndalǵan. Qala ákiminiń tapsyrmasyna sáıkes, qala ákiminiń orynbasarlary, apparat basshysy jáne qala ákimdigine qarasty derbes bólim basshylary bólinis boıynsha qala aýmaǵyndaǵy barlyq aýrýhanalar men emhanalarǵa jaýapty retinde bekitildi», - dedi Qyzylorda qalasynyń ákimdigi.
Málim bolǵanyndaı, jaýapty mamandar quzyrly organdarmen birlese otyryp, medıtsınalyq nysandarǵa qajet etiletin qurylǵylarmen qamtamasyz etý maqsatynda atalǵan nysandardy kúndelikti baqylaýǵa alyp otyr. Sondaı-aq, qala ákimi apparatynyń qyzmetkerleri barlyq dárihanalarda dári tapshylyǵynyń aldyn alý baǵytynda kúndelikti monıtorıng júrgizýde.
«Taǵy bir aıta keterligi, búginde qala aýmaǵynda ornalasqan medıtsınalyq uıymdarǵa kúnine 400-ge jýyq ottegi ballony qajet. Qazir sol tapshylyqty joıý maqsatynda bul iske eriktiler, qoǵamdyq uıym ókilderi, kásipkerler, jastar ókilderi, eldiń janashyr azamattary tartyldy. Osy rette M.Eralıev, M.Narımova, N.Baıjigit, R.Esenov. L.Rızvanova sekildi kásipkerler kıslorod ballondarymen kómektesýde. Qala ákimdigi tarapynan indetpen kúresip jatqan dárigerlerdi ornalastyrý úshin «Syrdarııa» lagerinen 100 oryn daıyndaldy. Al «Qyzylorda» qonaq úıiniń dırektory Q.Boranbaevtyń qoldaýymen sol jerden dárigerlerge 137 oryn berilgen. Dál osyndaı qamqorlyqty «Bella Vista» kesheni de jasap otyr», - dedi ákmdikten.
Sondaı-aq, Qyzylorda oblysynda mobıldi brıgadalar quryldy.