Qyzylordada qyzmettik avtokólikte uıyqtap jatqan polıtseıler jumystan shyǵaryldy
Atalmysh vıdeo búgin, 14 mamyrda «Whatsapp» arqyly tarady. Onda qyzmettik avtokólik ishinde uıyqtap jatqan eki polıtsııa qyzmetkeri kórsetilgen.
«Atalǵan beınejazba boıynsha Qyzylorda oblysy Polıtsııa departamentiniń Ózindik qaýipsizdik basqarmasy tekserý jumystaryn júrgizdi.
Jedel túrde departamenttiń tártiptik keńesinde ádep kodeksiniń talaptaryn buzǵan eki qyzmetkerdiń jáne olarǵa tikeleı jetekshilik jasaıtyn basshylarynyń jaýapkershiligi qaraldy. Tártiptik keńes sheshimimen Qyzylorda qalalyq polıtsııa basqarmasynyń jergilikti polıtsııa qyzmeti bóliminiń patrýldik polıtsııa batalonynyń qyzmet ınspektorlary ishki ister organdarynan shyǵaryldy. Sonymen qatar, qyzmetkerlerdiń tikeleı basshylaryna qatań tártiptik jaza qoldanyldy», - dep málim etti Qyzylorda oblystyq polıtsııa departamenti.
