Qyzylordada Qytaı kompanııasy tyńaıtqysh óndiretin zaýyt salmaq
QYZYLORDA. QazAqparat - Qyzylordada qytaılyq «Dayuan Group» kompanııasy aýyl sharýashylyǵyna qajetti tyńaıtqysh óndirmek, dep habarlaıdy QazAqparat tilshisi.
Qyzylordada kesheden beri ótip jatqan «Baıqońyr ınvest» ınvestıtsııalyq forýmy aıasyndaǵy jıynda qytaılyq «Dayuan Group» kompanııasynyń dırektory Vang Dıenfeeng azot tyńaıtqyshyn óndiretin hımııalyq zaýyt salýdy da kózdep otyrǵanyn jetkizdi.
Sektsııalyq otyrysta qazaqstandyq qarjy ınstıtýttarynyń jetekshileri men sarapshylary eńbek ónimdiligi, Qazaqstan-Qytaı arasyndaǵy ımporttyq, eksporttyq taýarlar ósimi jaıynda, ınvestıtsııalyq jobalardy tıimdi sharttarmen, usynystarmen ushtastyrý baǵytynda baıandamalar jasady.
Shara sońynda qytaılyq kásiporyn jetekshilerimen yntymaqtastyq, kásipkerlik aıasyndaǵy kelisimder men memorandýmdarǵa qol qoıyldy.
Eske sala keteıik, keshe ІH «Baikonyr Invest» ınvestıtsııalyq forýmy jumysyn bastaǵandyǵy týraly habarlaǵan bolatynbyz .
