Qyzylordada qyshyma juqtyrý byltyrǵydan 3 esege artty

QYZYLORDA. QazAqparat - Qyzylorda oblysynda jyl basynan beri qyshymanyń 21 deregi tirkeldi. Bul ótken jyldyń atalǵan merzimimen salystyrǵanda 3 esege artyq, dep habarlaıdy QazAqparat tilshisi.

Qyzylorda oblysy boıynsha qyshyma aýrýynyń epıdemıologııalyq ahýaly turaqsyz. Jyl basynan beri qyshymanyń 21 deregi tirkeldi.

«Bul ótken jyldyń dál osy merzimimen salystyrǵanda 3 esege artyq. Atap aıtqanda, 14 jasqa deıingi balalar arasynda qyshymamen syrqattanýshylyq kórsetkishi joǵary. Barlyq tirkelgen aýrýdyń 57%-y sol jastaǵylar úlesinde. Juqpaly teri aýrýynyń qozdyrǵyshy - qyshyma kenesi. Qyshyma kenesi adamnyń terisine enip, sol jerge jumyrtqalaı alatyn mıkroskopııalyq parazıt», - dep málim etti Qyzylorda oblysy sanıtarlyq-epıdemıologııalyq baqylaý departamentinen.

Eske salsaq, budan buryn qyzylordalyq maman «Kókala» keseli keneden keletinin aıtyp ótken edi.