Qyzylordada Qyrǵyzstannan kelgen taksıshini tonaǵan eki jigit sottaldy
QYZYLORDA. 23 tamyz. QazAqparat /Jańagúl Serdaly/ - Qyzylorda oblystyq qylmystyq ister jónindegi aýdanaralyq soty Qyrǵyzstan azamattary Dıdar Nııazhodjaev pen Jyldyzbek Sabyrdy taksısti óltirip, tonaýǵa áreket jasaǵandary úshin 11 jáne 9 jylǵa bas bostandyqtarynan aıyrdy.
Qyrǵyzstan astanasynan Syr boıyna kúnkóris úshin aqsha tabýǵa kelgen bul eki jas jigit aldymen bazar mańyn biraz tóńirekteıdi. Biraq jaqsy turmys qurý úshin jetkilikti qarajat tappaıdy. Aqyrynda bular taksısterdi tonap, óltirip, odan alynǵan kólikti óz elderine minip ketpek bolyp ýaǵdalasady. Sol aram nıetterimen bazar basynan «Mazda-Kronos» markaly taksıdi «Araı» shaǵyn aýdanyna qaraı jaldap alyp shyǵady. Al ortalyqtan burylǵan jerge kelgende, artta otyrǵan Jyldyzbek sybaılasynyń ym qaǵýymen júrgizýshiniń tamaǵynan pyshaqpen oryp jiberedi. Alaıda, onyń qursaýynan bosanyp shyqqan taksıshi jurtty kómekke shaqyryp úlgeredi. Muny kórgen qylmyskerler qasha jóneledi.
Artynsha jetken «Jedel járdem» zardap shegýshige kómek kórsetedi. Іshki ister organdarynyń qyzmetkerleri ıisshil ıttiń kómegimen buta túbinde tyǵylyp otyrǵan eki qylmyskerdi taýyp alady.
