Qyzylordada qymbat kólikterdi aldap satyp jibergen alaıaq ustaldy
Qyzylorda qalalyq Polıtsııa basqarmasynyń kezekshi bólimine 25 jastaǵy qala turǵyny alaıaqtyq deregi týraly aryz túsirdi. Tekserý barysynda tamyz aıynda ony alaıaq azamat avto ortalyqtyń birinde menedjer bolyp jumys isteımin dep senimine kirgeni anyqtaldy. Sol boıynsha ortalyq arqyly avtokólikterdi satyp beremin dep qymbat kólikterdi ıemdenip alǵan.
«Ol qala turǵynyn aldap, avtokólikterdi satyp jibergen. Qala turǵyny óziniń aldanyp qalǵanyn túsinip, Qyzylorda qalalyq Polıtsııa basqarmasyna júgindi. Jábirlenýshige keltirilgen shyǵyn - 27 mıllıon 600 myń teńge. Osy oqıǵaǵa baılanysty polıtsııa qyzmetkerlerinen tergeý toby quryldy. Nátıjesinde osy jaıtqa qatysty 27 jastaǵy jergilikti turǵyn ustaldy. Qazir kúdikti azamattyń alaıaqtyq ispen aınalysqany dáleldendi. Bul boıynsha QR 190-babynyń 4-bóligimen sotqa deıingi tergeý áreketi júrgizilýde. Onda aqparattyq júıeni paıdalanýshyny aldaý nemese senimin teris paıdalaný jaǵdaıy kórsetilgen», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada kóshede qarý ustap júrgen turǵyn ustaldy.
