Qyzylordada qylmyskerdi ustaýǵa kómektesken azamat marapattaldy
QYZYLORDA. QazAqparat - Qyzylorda qalalyq ishki ister basqarmasynda qylmyskerdi ustaýda batyldyq tanytqany úshin oblys turǵyny 43 jastaǵy Abylaı Álıev alǵys hatpen marapattaldy, dep habarlaıdy QazAqparat tilshisi.
Bul oqıǵa bıylǵy 15 naýryzda bolǵan edi. Qyzylorda QPB-niń kezekshi bólimine tonaý týraly habarlama kelip túsedi. Birneshe mınýttan soń oqıǵa ornyna tergeý toby bardy.
Keleńsiz jaǵdaı bylaısha órbigen. Jábirlenýshi jumystan qaıtyp kele jatqan sátte onyń artynan bir belgisiz azamat shabýyl jasaǵan. Oǵan kúsh qoldanyp, sómkesin, uıaly telefonyn tartyp alǵan. Sodan keıin kúdikti izin sýytady.
Jábirlenýshi sol jerde ótip bara jatqan azamatqa kómekke júgindi. Ol óz kezeginde qaraqshynyń qýyp ustap, dereý polıtsııa qyzmetkerlerin shaqyrady. Erlik jasaǵan azamat oblys ortalyǵynyń 43-jastaǵy turǵyny Abylaı Álıev bolyp shyqty.
Óz kezeginde A.Álıev basqarma basshylyǵyna elep, qurmet kórsetkeni úshin alǵysyn bildirdi jáne ár adamnyń azamattyq ustanymyn tanytyp, bir-birin qorǵaýy tıis ekenin aıtty.
