Qyzylordada qylmysker jas jigitti uryp óltirip, denesin ájethanaǵa tastap ketken
QYZYLORDA. QazAqparat - 27 qazanda Qyzylorda qalasy turǵyny - azamatshadan «102» qyzmetiniń kezekshi bólimine 24 jastaǵy uly tańerteń dúkende saýda jasap turǵan jerinen shyǵyp ketip, qaıta oralmaǵany jóninde jáne kelesi kúni tańerteń atalǵan azamatshanyń uıaly telefonyna belgisiz nómirden «polıtsııaǵa habarlaspaı 3.000.000 teńge tap, bir aptadan keıin habarlasamyn» degen sms-habarlama kelgendigi jóninde aqparat kelip túsken bolatyn.
Habarlama túskennen keıin Qyzylorda OІІD Uıymdasqan qylmysqa qarsy kúres basqarmasy jáne Aqsaı polıtsııa bóliminiń qyzmetkerlerimen jedel izdestirý sharalary júrgizilip, qysqa merzimde qylmysqa qatysy bar kúdikti retinde 20 jastaǵy qala turǵyny anyqtalyp, ony polıtsııa qyzmetkerleri tutqyndady.
Tergeý barysynda jábirlenýshi men seziktiniń arasynda janjal týyp, ájethana janynda ekeýi tóbelesip, sezikti ony jerde jatqan shıpyrmen moınynan uryp óltirgeni anyqtaldy. Deneniń demalmaı jatqanyn kórip, máıitti ájethananyń ishine tastaı salǵan. Sońynan qylmysyn jasyryp, polıtsııany adastyrý maqsatynda jábirlenýshiniń anasynyń uıaly telefonyna jalǵan habarlama joldaǵan.
azirgi tańda kúdikti Qyzylorda ishki ister basqarmasynyń ýaqytsha ustaý abaqtysyna qamaýǵa alyndy. Atalǵan derek boıynsha 27.10.2014 jyly Qyzylorda QІІB-niń Tergeý bólimi Qazaqstan Respýblıkasy qylmystyq kodeksiniń 96-babynyń 1-bólimimen qylmystyq is qozǵap, tergeý amaldary júrgizilýde. Bul týraly OІІD baspasóz qyzmeti habarlady.
