Qyzylordada qylmys jasaǵandar mektep dırektorlyǵyna taǵaıyndalǵan
Mundaı jaǵdaılar Qyzylorda oblysynyń Aral jáne Jalaǵash aýdany bilim bólimderi tarapynan oryn alǵan. Bul derekter Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń uıymdastyrýymen ótkizilgen konferentsııa barysynda belgili boldy. Oǵan Qyzylorda qalalyq, aýdandyq bilim bólimderi, oblystaǵy joǵary oqý oryndary, tehnıkalyq jáne kásiptik bilim berý uıymdary, mektep, balabaqsha basshylary men qyzmetkerleri qatysty.
Konferentsııa barysynda departamenttiń sybaılas jemqorlyq profılaktıkasy basqarmasynyń basshysy Baǵdat Іzkenov óz sózinde habarlamasynda birqatar kemshilikterge nazar aýdardy.
«Qalalyq jáne aýdandyq bilim bólimderi mektep basshylaryn taǵaıyndaý barysynda olardyń sottylyǵyn tekserýmen ǵana shekteledi. Oblysta bilim berý salasynda sybaılas jemqorlyq qylmys jasaǵan tulǵalardy memlekettik mekeme basshysyna taǵaıyndaý derekteri oryn alǵan. Jyl basynan osyndaı eki derek anyqtalyp otyr. Osyǵan oraı, Qazaqstan Respýblıkasy ákimshilik quqyq buzýshylyq týraly kodeksiniń 681-babymen, ıaǵnı, buryn sybaılas jemqorlyq qylmys jasaǵan adamdardy jumysqa qabyldaǵany úshin Aral jáne Jalaǵash aýdandyq bilim bólimderiniń laýazymdy tulǵalaryna ákimshilik ister qozǵalyp, aıyppuldar salyndy» - dedi B.Іzkenov.
Atap aıtqanda, Aralda buryn sybaılas jemqorlyq qylmys jasaǵan azamat keshki mektep dırektorlyǵyna taǵaıyndalǵan. Al Jalaǵashta dál osyndaı jaǵdaıdaǵy azamat №202 mekteptiń dırektorlyǵy qyzmetine kirisken. Aýdandyq bilim bólimderiniń jaýapty tulǵalaryna aıyppul salyndy. Mektep dırektorlary qyzmetterinen ketti.
Konferentsııa barysynda departament basshysynyń orynbasary Berikbol Baıhojaev bilim salasynda zańsyz aqsha jınaý derekterin joıýdy qatań eskertti. Sondaı-aq, bilim bólimderiniń basshylary oqýshylar arasynda májbúrli túrde aqyly testileý ótkizýdi boldyrmaýdy jáne mektep dırektorlyǵyna taǵaıyndaý kezinde barlyq talaptar saqtalýy qajettigin atap ótti.