Qyzylordada kúıshiler baıqaýy ótti

QYZYLORDA. QazAqparat - Qyzylorda qalasynda A.Toqmaǵambetov atyndaǵy qalalyq mádenıet úıinde dáýlesker kúıshi Álshekeı Bektibaıuly, Quraqtyń Dosjany jáne Shal Myrzanyń kúılerin nasıhattaýǵa arnalǵan «Ǵasyrlar pernesi» atty oblystyq kúıshiler baıqaýy ótti, dep habarlaıdy QazAqparat tilshisi.

Atalmysh mádenı shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» maqalalary aıasynda uıymdastyryldy. Sondaı-aq, ol Jastar jyly, men ulttyq dombyra kúnine oraılastyryldy. Atalmysh shara barysynda Qarmaqshy, Syrdarııa, Shıeli, Jańaqorǵan aýdandary men Qyzylorda qalasynan barlyǵy 8 ónerpaz kúmbirlete kúı tókti. Osylaısha ónerpazdar Syr boıy kúı óneriniń ozyq úlgisin kórsetti.

Mádenı sharada ertede kúmbirlete kúı tókken Álshekeı Bektibaıuly, Quraqtyń Dosjany, Shal Myrza shyǵarmalarynan ózge, Jaldybaı, Jantóre kúıshilerdiń jáne Arqa, Mańǵystaý, Qarataý óńirleriniń kúı qazynasy kórermen nazaryna usynyldy.

Qazylar alqasynyń sheshimimen baıqaýda Sábıt Didebaev birinshi oryndy jeńip aldy. Al odan keıingi oryndardy Danııar Sovet, Muhameddın Kósherbaı men Oljas Narımanov jeńip aldy.

Budan buryn Qyzylordada «Uly dalanyń sarqylmas úni» atty óner ekspedıtsııasy ótkizilgenin habarlaǵan edik.