Qyzylordada Kúıikkesken qalashyǵyn zertteýge kóńil bólindi

QYZYLORDA. QazAqparat - Qyzylorda oblysynda oryn tepken ortaǵasyrlyq Kúıikkesken qalashyǵynda bıyl arheologııalyq zertteýler júrgizildi, dep habarlaıdy QazAqparat tilshisi.

Atalmysh shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda júzege asyryldy.

Atalmysh arheologııalyq zertteý jumystaryna otandyq jáne sheteldik mamandar da tartyldy. Olardyń qatarynda «Arheologııalyq ekspertıza» ǵylymı-zertteý uıymynyń dırektory, ıÝNESKO eksperti, QR dúnıejúzlik ulttyq mura komıtetiniń bas hatshysy D. Voıakın, atalmysh ǵylymı-zertteý uıymynyń arheologtary A.Dolgýshev pen M.Gýrýlev, Tandy ınstıtýty assotsıatsııasynyń ǵylymı qyzmetkeri, PhD, tarıhshy-arheolog S. Gılbert bar. Jaqynda Qyzylordada olardyń qatysýymen semınar uıymdastyryldy. Sondaı-aq, bul sharaǵa mýzeı men eskertkishterdi qorǵaý mekemesi qyzmetkerleri qatysty.

Kúıikkesken qalashyǵy oǵyzdar astanasy - Jankent shaharynyń mańynda oryn tepken. Ol Jankentten 15-20 shaqyrymdaı jerde ornalasqan. Alǵash 1946 jyly reseılik zertteýshi Sergeı Tolstov basqarǵan Horezm ekspedıtsııasy zertteý jumystaryn júrgizgen.