Qyzylordada «Kúı-shejire» atty kontsert ótti

QYZYLORDA. QazAqparat - Qyzylordada el táýelsizdiginiń 30 jyldyǵyna oraı oblystyq fılarmonııada kópshilik nazaryna «Kúı-shejire» atty kontserti usynyldy, dep habarlaıdy QazAqparat tilshisi.

Atalǵan shara «30 jyldyqqa 30 is-shara: Táýelsizdikke tartý» aıdary boıynsha uıymdastyryldy. Osy maqsatta fılarmonııada bıylǵy jyldyń basynan beri birneshe kontsert ótkizildi.

Óner sharasy karantın talabyna sáıkes uıymdastyryldy. Rýhanııat keshinde oblystyq fılarmonııanyń Turmaǵambet atyndaǵy halyq aspaptar orkestri, «Aqmeshit» folklorlyq ansambliniń ónerpazdary qatysty.

Kontsertte zamananyń zańǵaryna aınalǵan Qurmanǵazy, Qazanǵap syndy belgili kúıshilerdiń shyǵarmalary kópshilik nazaryna usynyldy. Sondaı-aq, jergilikti Shal Myrza, Murat Sydyqov, Báden Aısynov sekildi kompozıtorlardyń shyǵarmalary oryndaldy. Kesh barysynda 19 kúıshi óner kórsetti.