Qyzylordada qutqarýshylar órt ortasynan 2 balany alyp shyqty
QYZYLORDA. QazAqparat - Qyzylordada qutqarýshylar órt arasynan 2 balany aman alyp shyqty, dep habarlaıdy QazAqparat tilshisi.
Jergilikti 112 qutqarý qyzmetine turǵyn úı janyp jatqany jóninde habar kelip tústi. Órt sóndirýshiler oqıǵa ornyna dereý jetti. Mamandar barlaý jumystaryn júrgizdi. Oqıǵa ornynda gaz ballony jarylǵan. Qýraǵan shóp janyp, úı aldyndaǵy saraı, qurylys zattary, bórenege zııan kelgen. Sondaı-aq, jalyn esik aldynda turǵan «Vaz 2106» avtokóligin sharpı túsken.
«Oqıǵa ornynda órt sóndirýshilerdiń jedel is-áreket etti. Osynyń arqasynda tilsiz jaý oshaǵynan taǵy bir dana syıymdylyǵy 27 lıtr gaz ballony shyǵaryldy. Oqıǵa saldarynan jaraqat alǵandar joq. Órttiń shyǵý sebepteri men saldary anyqtalý ústinde», - dep málim etti Qyzylorda oblysy Tótenshe jaǵdaılar departamenti Órt sóndirý jáne avarııalyq qutqarý jumystary qyzmetiniń baspasóz mamany Álııa Erejepova.
