Qyzylordada Qutqarýshylar kúni atalyp ótildi
QYZYLORDA. 22 qazan . QazAqparat - Qyzylorda oblysy Tótenshe jaǵdaılar departamentiniń ujymy TJ qyzmetiniń qurylǵan kúnine oraı 17 jyldyǵyn erekshe daıyndyqpen atap ótti.
A.Toqmaǵambetov atyndaǵy mádenıet úıinde saltanatty shara uıymdastyryldy. Oblys ákiminiń orynbasary Uranhaev Nurlan Telmanuly, TJ departamentiniń bastyǵy polkovnık Tóleýjanov Erik Qabashuly, RF TJM «№70 Órtke qarsy qyzmet arnaıy basqarmasy» MM bastyǵy ishki qyzmet polkovnıgi Zarovskıı Andreı Vıktorovıch, ardager Lazýrchenko Borıs Mıhaılovıch qatysýshylarǵa arnap quttyqtaý sóz sóıledi.
Merekelik shara barysynda departament bastyǵy polkovnık E.Tóleýjanov qyzmette erekshe kóringen qyzmetkerlerdi QR TJM keýde belgilerimen, qurmet qaǵazdarymen jáne alǵys hattarmen marapattady.
Qutqarýshylar kúni merekesi aıasynda ár túrli is-sharalar uıymdastyryldy. Eki kún boıy QR TJM qurylymdyq bólimsheleri arasynda sporttyq jarystar ótkizildi.
«Meniń qutqarýshym» taqyrybynda balalar arasynda jas sýretshiler baıqaýy uıymdastyryldy.
Sondaı-aq, kásibı mereke kezinde oblystyq ishki saıasat basqarmasymen birlese otyryp, ortalyq alańda qutqarý qural-jabdyqtary kórmege qoıyldy.
Qyzylorda oblysy TJD, «OÓAJQJ» MM» j»ne «SQQ» MM oblystyq Abylaı han atyndaǵy kolledjde stýdentter arasynda saıys ótip, onda balalar alǵashqy kezektegi qutqarý jumystaryn atqarýdan saıysqa tústi.
«OÓAJQJ» MM oblys turǵyndaryna arnap «Ashyq esik kúnin» ótkizip, turǵyndarǵa arnap qutqarý operatsııalarynan kórinister kórsetti. Jıynǵa jınalǵan jurtshylyq Qyzylorda oblysy TJD «Syr lebi» folklorlyq ansambliniń merekelik kontsertin tamashalady.
