Qyzylordada qutqarýshylar 88 jastaǵy qarııanyń ómirin saqtap qaldy

QYZYLORDA. QazAqparat - Qyzylordalyq qutqarýshylar páterinde taıyp qulap, jaraqat alǵan 88 jastaǵy qarııanyń ómirin saqtap qaldy, dep habarlaıdy QazAqparat tilshisi.

Áleýmettik kómek kórsetý qyzmetkeri 88 jastaǵy qarııanyń páteriniń esigin ashpaı jatqandyǵy jóninde 112 nómirine habarlasqan.

Jedel qutqarý jasaǵynyń mamandary dereý iske kiristi. Qutqarýshylar úshinshi qabattaǵy páterge balkon arqyly kirdi.

«Qutqarýshylar páter ishine kirgennen keıin oqıǵanyń mán-jaıy anyqtaldy. Qarııa as bólmege kire beriste aıaǵy taıyp qulaǵan. Sodan keıin óz betinshe tura almaǵan. Apattar medıtsına ortalyǵynyń qyzmetkerleri alǵashqy kómek kórsetip, qarııany aýrýhanaǵa jetkizdi», - dep málim etti Qyzylorda oblystyq Tótenshe jaǵdaılar departamentiniń baspasóz qyzmeti.