Qyzylordada qurylys jasaqtarynyń jumysy qorytyndylanyp, úzdikter marapattaldy
QYZYLORDA. QazAqparat - Búgin «Jastardy qoldaý ortalyǵy» MKM-niń uıymdastyrýymen jáne «Nur Otan» partııasynyń qoldaýymen Qyzylorda oblysy ákimdiginiń sıtýatsııalyq ortalyǵynda atalmysh stýdenttik qurylys jasaǵynyń jumysyn qorytyndylaý, úzdik eńbek etken jastardy jáne «Qaısar» fan klýbynyń múshelerin marapattaý maqsatynda saltanatty jıyn ótkizildi.
Basqosýǵa Qyzylorda oblysy ákiminiń orynbasary N.Álibaev qatysyp, jastarǵa keleli oılar aıtyp, olardyń pikirimen bólisti.
Sonymen qatar, shara barysynda oblys ákiminiń orynbasary stýdenttik qurylys jasaqtary qatarynda maýsymdyq kezeńde eńbek etken sarbazdardy arnaıy oblys ákiminiń alǵys hatymen jáne baǵaly syılyqtarmen marapattady. Bul týraly «Jastardy qoldaý ortalyǵy» MKM baspasóz qyzmeti habarlady.
Marapattalýshylar qatarynda sondaı-aq, «Qaısar» fan klýbynyń músheleri de bar. Bular óńirimizdegi sport salasynyń damýy men jankúıerler qataryn kóbeıtip, jastardyń patrıottyq sezimin nyǵaıtýǵa úles qosty.
Jastar qurylys jasaǵynda maýsymdyq kezeńde oblys boıynsha 281 jas 28 mekemede jumys jasasa, onyń 28-i turaqty jumysqa ornalasty.
Olardyń ishinde «Abý-Ser» JShS, «Iman» JShS, «Mar-Sam» JShS, «Intergorstroı» JShS, «Stroı Servıs Bazıs» JShS, «Amanqurylys» JShS jáne «Abzal ı K» tolyq seriktestigi bar.
Óz kezeginde jastar men olardyń ata-analary kórsetilgen qoldaý men jastar arasyndaǵy jumyssyzdyqtyń aldyn alýdaǵy atqarylǵan sharalarǵa alǵystaryn bildirdi.
