Qyzylordada kúrish aqtaý zaýyty ashyldy

QYZYLORDA. QazAqparat – Búgin oblys ákimi Qýanyshbek Ysqaqovtyń «Abaı Dáýlet» seriktestiginiń kúrish aqtaý zaýytynyń ashylý saltanatyna qatysty. Saǵatyna 7 tonnadan astam ónim óndiretin zaýyt 80 adamdy turaqty jumyspen qamtyp otyr, dep habarlaıdy QazAqparat.

«Abaı Dáýlet» seriktestiginiń negizgi qyzmeti - kúrish jarmasyn óńdeý men ony satýdy uıymdastyrý. Odan ári zaýyttyń jumysyn keńeıtý baǵytynda búginde óz ınvestıtsııasyna jańa tehnologııamen jabdyqtalǵan qural- jabdyqtar ornatqan.

Jańa zaýyttyń ereksheligi – kúrishti aqtaýmen qatar, mal sharýashylyǵyda jemdik maqsatynda paıdalanylatyn kúrish qaýyzyn untaqtap, qaldyqsyz ónim shyǵarýǵa beıimdelgen.

Memlekettik qoldaýlardyń arqasynda sońǵy jyldary aımaq dıhandary kúrishten turaqty joǵary ónim alyp, elimizdiń astyq qorynyń ulǵaıýyna óz úlesterin qosyp keledi. Bıylǵy jyly oblys boıynsha 88 myń gektar kúrish egilip, kútimge alynǵan bolatyn. Qazirgi tańda barlyq aýdandarda Syr marjanyn jınaý naýqany qyzý júrýde,- dedi Qýanyshbek Dosmaıyluly.

«Abaı Dáýlet» seriktestigi kúrishti sapaly óndep, ónimin ishki naryqqa da, alys-jaqyn shetelge ótkizýde de tájirıbesi iri kompanııa. Olardyń ónimderi sapa menedjmenti talaptaryna tolyq sáıkes keledi. Oǵan dálel búginde syr salysyn Reseı, Ózbekstan, Mońǵolııa, Ýkraına jáne Tájikstan elderine eksporttap otyr.

Aımaq basshysy oblystyń kúrish sharýashylyǵy salasy taǵy bir zamanaýı óndiris oshaǵymen tolyǵyp otyrǵandyǵyn, bul óz kezeginde, óńirdiń azyq-túlik qaýipsizdigi men áleýmettik-ekonomıkalyq damýyna, jańa jumys oryndary men salyq bazasynyń nyǵaııýyna óz septigin tıgizetindigin atap ótti.