Qyzylordada qýraǵan shóp órtenip, qalanyń birqatar bóligin tútin basty

QYZYLORDA. QazAqparat - Qyzylordada qýraǵan shóptiń órtenýi saldarynan qalanyń birqatar bóligin tútin basyp qaldy, dep habarlaıdy QazAqparat tilshisi.

Oblystyq tótenshe jaǵdaılar departamentine saǵat 14.50-de habarlama kelip tústi.

«Onda Naýryz saıajaıy tusyndaǵy Shirkeıli kanalynyń jıeginde qýraǵan shóptiń janyp jatqany jóninde aıtylǵan. Qazirgi tańda oqıǵa basynda mamandar 4 tehnıkamen órtti sóndirýge kúsh salyp jatyr. Sondaı-aq, oqıǵa ornynda orman sharýashylyǵy salasynyń mamandary bar», - dep málim etti oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, budan buryn Qyzylordada polıtseı sýǵa batyp bara jatqan jigitti qutqardy.