Qyzylordada kúnbaǵys maıy tıelgen júk kóligi janyp ketti
QYZYLORDA. QazAqparat - Qyzylorda oblysy Qazaly aýdanynda Reseıden Qyrǵyzstanǵa kúnbaǵys maıyn alyp bara jatqan júk kóligi órtenip ketti, dep habarlaıdy QazAqparat tilshisi.
Oqıǵa Qazaly aýdany Maılybas eldi mekeni tusyndaǵy «Samara-Shymkent» tas joly boıynda boldy. Onda Reseıdiń Qazan qalasynan Qyrǵyzstan astanasy - Bishkekke jol tartqan «Volvo FH12» júk kóligi tolyǵymen janyp ketti.
«Kólikke 21,5 tonna kúnbaǵys tıelgeni anyqtaldy. Órt tolyǵymen sóndirildi. Qaza bolǵandar men zardap shekkender joq», - dep málim etti Qyzylorda oblystyq tótenshe jaǵdaılar departamentiniń baspasóz qyzmeti.
Sondaı-aq, Qyzylordada Ortalyq zırattyń 2 gektar aýmaǵy órtenip ketti.
