Qyzylordada kúdikti mal urlyǵy ústinde qolǵa tústi
QYZYLORDA. QazAqparat - Qyzylordalyq jigit Shıeli aýdany Birlestik aýyly turǵynynyń qorasynan bes bas usaq maldy urlap bara jatqan jerinen qolǵa tústi, dep habarlaıdy QazAqparat tilshisi.
Qyzylorda oblystyq polıtsııa departamenti baspasóz qyzmetiniń habarlaýynsha, ýchaskelik polıtsııa ınspektory Darhan Majıhanov pen jergilikti turǵyndar suǵanaq qoldy jigitti tap bastyrmaı ustady. Bul qylmys jóninde Shıeli aýdandyq polıtsııa bólimine habarlanǵan.
«Tekserý barysynda kúdiktiniń Qyzylorda qalasyna qarasty Mahanbetov aýylynyń turǵyny ekeni anyqtaldy. Ol qoılardy urlap, oqıǵa ornyna boı tasalap ketpekshi bolǵan. Sol kezde kúdikti ýchaskelik polıtsııa ınspektory men jergilikti turǵyndar ony ustap aldy. Ýaq maldar qolhat arqyly jábirlenýshige qaıtaryldy», - dep málim etti Qyzylorda oblystyq polıtsııa departamentiniń baspasóz qyzmeti.
Atalmysh mal urlyǵy deregi boıynsha Qazaqstan Respýblıkasy Qylmystyq kodeksiniń 188-babynyń 2-bóligimen sotqa deıingi tergep-tekserý amaldary júrgizilýde. Kúdiktiniń basqa da qylmystarǵa qatysy bary tekserilýde.
