Qyzylordada kúdik týdyrǵan qara sómkeden qaýipti zat anyqtalǵan joq

QYZYLORDA. QazAqparat - Qyzylordada kúdik týdyrǵan qara sómkeden qaýipti zat anyqtalǵan joq, dep habarlaıdy QazAqparat tilshisi.

Oqıǵa 1 qyrkúıekte saǵat 22.00 shamasynda E.Áýelbekov kóshesiniń boıynda bolǵan. Oblystyq tótenshe jaǵdaılar departamentine jeńil kóliktiń aldynda kúdik týdyrǵan qara sómke turǵany jóninde habar kelip túsken.

«Oqıǵa ornynda oblystyq tótenshe jaǵdaılar departamentinen 6 tehnıka, 22 qyzmetker jumys istedi. Saǵat 22.40-ta mamandar qara sómkeden kúdik týdyrǵan zattyń anyqtalmaǵanyna kóz jetkizdi», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.