Qyzylordada Qudaıbergen Sarjanovtyń jeke murajaıy ashyldy
QYZYLORDA. QazAqparat - Qyzylorda oblysy Aral aýdanynda memleket jáne qoǵam qaıratkeri, Aral aýdanynyń qurmetti azamaty Qudaıbergen Sarjanovtyń týǵan jerdiń tarıhy men tanymyn aıǵaqtaıtyn jeke murajaıynyń ashylý saltanaty ótti, dep habarlaıdy QazAqparat tilshisi.
Qudaıbergen Sarjanov 1937 jyly Aral aýdanynda dúnıege kelgen. 1983-1991 jyldary Qazaq SSR balyq sharýashylyǵy mınıstri qyzmetin atqarǵan. 2003 jyldan beri «Shartken ata» qoǵamdyq birlestigin quryp, Aral óńirinde balyq túrlerin molaıtýǵa kúsh salyp keledi.
Atalmysh sharaǵa aýdan ákimi Muhtar Orazbaev qatysyp, murajaıdyń mańyzdylyǵyna toqtalyp, jınalǵan kópshilikti jańa murajaıdyń ashylýymen quttyqtady.
«Sýretter syr shertedi» dep atalatyn bul tarıhı murajaıda Aral aýdanyna jáne osy óńirdegi balyq sharýashylyǵyna qatysty derekter, fotosýretter men eksponattar saqtalǵan.
Murajaıdyń ashylý saltanatynan soń, Qudaıbergen Sarjanovtyń zamandastary, sharaǵa qatysýshy qonaqtar jańa murajaıdy aralap, tarıhı jádigerlermen tanysty.
